По 45 години, тргнаа три нови електролокомотиви

Пуштени во употреба три нови локомотиви. Имено, трите нови електролокомотиви набавени од Кина од денеска се пуштени во сообраќај, информираат од македонски железници. Локомотивите се набавени со проектот за ревитализација на возниот парк на „ЖРСМ транспорт“ АД-Скопје започнат од претходната влада и финансиран од Европската банка за обнова и развој.

Вредноста на трите нови локомотиви изнесува 6. 414.000 евра, а треба да биде набавена уште една, со што вкупната вредност на проектот е 8.678.600 евра.

Loading..

-Со пристигнувањето на новите три електролокомотиви, се заокружува проектот за ревитализација на возниот парк на „Железници на Република Северна Македонија транспорт“ АД-Скопје, што претставува големо задоволство за нас, имајќи предвид дека последните локомотиви кои се купени датираат пред 45 години, во далечната 1975 година. Овие електролокомотиви се изработени согласно најстрогите европски директиви, критериуми и стандарди и ќе овозможат поквалитетен, побрз и побезбеден железнички превоз, велат од Железници- транспорт.

Овој проект трае подолго време, го започна претходната власт со тогаш првите обнови на патнички и транспортни железнички гарнитури.

извор: skopskoeho.mk